               |
Med start ved Nor, i vestre ende av Hornindalvatnet, og etter endt ferd ned Eidsdalen, tømer elva seg i Eidsfjorden, ved Os, nærmast i Eid sentrum. Jobben er gjort. Vatn ned, fisk opp. Både djupe og grunne hølar er passert, stryk og virvlar er danna. Men her også rolige parti under skuggefulle trekroner, for Eideselva er i heile si lengde omkransa av skog, eit grønt “sjal” ligg inntil“ kroppen” på begge sider. Somme stader med ei og anna spanande opning mot ein djup og stille høl. Sportsfiskaren som opplever dette må føle seg “heimkomen“. Elva er heller ikkje berre ein vasstreng gjennom dalen, men òg eit posistivt visuelt element til glede både for grunneigarar og andre som vel å stresse ned langs både rolige og meir straumfulle partia ein sumarkveld.
Vi vil ha flest mogleg til å vitje kommunen vår og nytte seg av tenestene våre. Det vi aller helst vil er at ein flyttar hit og/eller startar næringsverksemd i kommunen. Ein slik tettstad kan ikkje stå stille – anten går ein framover, eller så sakkar ein akterut. Den positive trenden Eid no er inne i må difor oppretthaldast, og nettopp du kan gjere den store skilnaden i Eid! Vi har mange døme på dyktige tilflyttarar som har funne seg tilrette med ein gong og som gjer ein formidabel innsats både på dei små og dei store scenene i lokalsamfunnet!
Eid Inviterer er ein nettstad der ein har samla mykje informasjon om eidasamfunnet på ein stad. Dette skal gjere det enklare for både tilreisande, nyfikne og ikkje minst fastbuande å orientere seg om denne vakre vestlandskommunen. Sida er utvikla av InMedia AS i samarbeid med næringslivet og Eid kommune.
