               |
Statens Vegvesen, Samferdsledepartementet og Vestlandsrådet har alle uttala offisielt og lagt planar for at E-39 skal bli ferjefri. Nordfjordkryssing AS jobbar for å vise at ei bru ved ferjestrekninga Lote-Anda er den beste løysinga for ei kryssing av Nordfjorden. Målet vårt er at brua skal prioriterast i Nasjonal Transportplan, og at den skal stå klar i 2020.
Kvart år reiser nærare 1 million menneske med ferja over Lote – Anda, og tala aukar. Ei bru vil binde saman regionen, og skape ein større bu- og arbeismarknad som gjer det lettare å få jobb. Næringslivet vil få fleire jobb-kandidatar å velje mellom, og kan auke samarbeidet med ulike selskap og bransjar. Då står næringslivet betre rusta til utvikling og innovasjon. Med ei bru blir strekninga døgnopen, avreisetidspunkt meir fleksibelt og avstandane kortare. Dette vil gje effektar for både miljø og trafikktryggleik. Det blir i snitt 25 minutt kortare veg til flyplass, sjukehus, handel og kulturtilbod!
Eid kommune ligg sentralt plassert midt i Nordfjord og midt i ein større region som omfattar delar av Sunnmøre og Sunnfjord. Innan eit par timars køyring dekkjer ein byar som Ålesund og Førde, fleire flyplassar og eit kjempestort befolkningsgrunnlag.
Eid Inviterer er ein nettstad der ein har samla mykje informasjon om eidasamfunnet på ein stad. Dette skal gjere det enklare for både tilreisande, nyfikne og ikkje minst fastbuande å orientere seg om denne vakre vestlandskommunen. Sida er utvikla av InMedia AS i samarbeid med næringslivet og Eid kommune.
